Artêşa Îsraîlê da zanîn ku hêzên wê kesekî gumanbar e tev li çeteyên DAIŞˊê bûye, di hefteya borî de, li Sûriyeyê girtiye û veguhastine Îsraîlê.

Artêşê da zanîn ku ew kes di encama operasyonekê de li herêma Refîd a başûrê Sûriyeyê hat girtin.

Berdevkê artêşa Îsraîlê Avichay Adraee diyar kir ku operasyon ji aliyê tûgaya 52'yan a lîwaya 474'an a artêşa Îsraîlê ve hat pêkanîn û guman hene ku ew kes bi çeteyên DAIŞ'ê re kar dike.

Adraee da zanîn ku operasyon bi beşdariya lêpirsînerên meydanî yên yekîneya 504ˊan hat kirin û gumanbar birin Îsraîlê. Adraee anî ziman ku hêzên 210'an dê ji bo parastina ewlehiya welatiyên Îsraîlê û niştecihên Colanê li başûrê Sûriyeyê bimîne.